Friday, 30 September 2016

"സ്നേഹത്തിൻ നിറങ്ങൾ.."

സ്നേഹത്തിനു പല പല ഭാവങ്ങളും രൂപങ്ങളുമാണെന്ന് പറയാറുണ്ട്... അത് എന്തു കൊണ്ടായിരിക്കും.?? ചിന്തിച്ചിട്ടുണ്ടോ...?? ആ പറയുന്നതിൽ എന്തെങ്കിലും കാര്യമുണ്ടോ.??

അത് തിരിച്ചരിച്ചറിയണമെങ്കിൽ അധികം ദൂരേയ്‌ക്കൊന്നും യാത്ര ചെയ്യേണ്ട, ഗവേഷണങ്ങൾ നടത്തുകയും വേണ്ട...

ചുമ്മാ ഒന്ന് കുടുംബത്തിലേക്ക് നോക്കിയാൽ മതി.. അവിടെ കാണാം പല ഭാവങ്ങളിലും പല രൂപങ്ങളിലുമുള്ള സ്നേഹത്തിന്റെ നിറങ്ങൾ.. വാത്സല്യത്തിന്റെ മേമ്പൊടിയോടെ സ്നേഹം വിളമ്പുന്ന ഉമ്മ... കർക്കശക്കാരന്റെ മേലങ്കിയണിഞ്ഞു സ്നേഹത്തിന്റെ ഒളിയമ്പുകൾ തൊടുത്തു വിടുന്ന ഉപ്പ.. കുറുമ്പും കുസൃതിയും ഉപദേശവും ഒക്കെ ആയി സ്നേഹത്തിന്റെ സിക്‌സറുകൾ പറത്തുന്ന സഹോദരങ്ങൾ....പരാതിയുടെയും പരിഭവങ്ങളുടെയും കൂട്ട് ചേർത്ത് ജീവിതത്തിന്റെ ഓരോ മുക്കിലും മൂലയിലും  സ്നേഹത്തിന്റെ നറുമണം വീശുന്ന ജീവിത പങ്കാളി.. കളി ചിരിയും കിളി കൊഞ്ചലുമായി കുട്ടി പട്ടാളങ്ങൾ..  അനുഭവങ്ങൾ സ്നേഹത്തിൽ ചാലിച്ച കഥകളാക്കി പറഞ്ഞു തരുന്ന വലിയുപ്പയും വലിയുമ്മയും... 

അങ്ങനെ അങ്ങനെ പല പല വർണങ്ങളിൽ, സ്നേഹത്തിൻ അരുവികളിൽ നമ്മെ നീരാടിക്കുന്ന ഒരുപാട് മുഖങ്ങൾ...

4 comments:

  1. This comment has been removed by the author.

    ReplyDelete
  2. കണ്ണില്ലങ്കിലെ കണ്ണിന്റെ വിലയറിയൂ എന്ന് പറഞ്ഞ് കേട്ടിട്ടില്ലേ?
    അത് പോലെയാണ് നമ്മുടെ ഒക്കെ അവസ്ഥ..

    ReplyDelete